UFF ga “Fairplay” sovrini topshirildi

Bugun Shveytsariyaning Tsyurix shahrida bo`lib o`tgan Xalqaro Futbol Federatsiyasining 2012 yil lauriyatlarini taqdirlash marosimida O`zbekiston Futbol Federatsiyasi FIFA ning “Fairplay” (Xalol o`yin) sovrini bilan taqdirlandi.

Ushbu sovrin egasini aniqlashda kuyidagilar inobatga olinadi, ya`ni sariq va qizil kartochkalarning soni, raqib terma jamoasiga bo`lgan xurmat, ijobiy o`yin hamda muhlislarning o`zini tutushiga qarab aniqlandi.

FIFA ning “Fairplay” sovrini O`zbekiston Futbol Federatsiyasiga nasib etdi. Bu esa, hozirgacha o`zbek futbolining jahonda qo`lga kiritgan eng katta mukofati bo`lib turibdi.

“Xalol o`yin” sovrini O`FF prezidenti Mirabror Usmonovga topshirildi.

Barchangizni ushbu mukofot bilan tabriklaymiz!

Shuningdek FIFA tomonidan 2012 yilning ramziy terma jamoasining 11 nafar a`zolari e`lon qilindi.

Ular bilan tanishing:
Darvozabon – Iker Kasil`yas (“Real),
Himoyachilar – Dani Alves(“Barselona”), Jerar Pike(“Barselona”), Serxio Ramos(“Real), Marselo (“Real),
Yarim himoyachilar-Xabi Alonso (“Real”), Xavi (“Barselona”), In`esta(“Barselona),
Hujumchilar – Lionel` Messi (“Barselona”), Radamel` Fal`kao (“Atletiko”), Krishtianu Ronaldu (“Real”).

Keyin yilning eng yaxshi murrabbiysiga atalgan mukofot topshirildi.
Ispaniya terma jamoasi bosh murabbiyi 62 yoshli Visente Del` Boske 2012 yilning eng yaxshi murabbiyi deb e`lon qilindi.

Nomzodlar orasida Xosepa Gvardiola va Joze Mourin`yular ham bor edi. Visente Del` Boskega ushbu sovrinni Braziliya terma jamoasi bosh murabbiysi Luisa Felipe Skolari topshirdi.