Baxtli bo’lish uchun har kuni nima qilish kerak

Ushbu to’rt qadam, sizni ijobiy kayfiyatga sozlashishga va hamma narsaga boshqa tomondan qarashingizga yordam beradi.

1. Hayotiy maqsadlaringizni ko’rib chiqing

O’zingizga tez-tez eslating, hayotning maqsadi kuniga 10 soat, haftaning besh kuni ishlash, keyin esa nafaqaga chiqib, janubga biron joyga ketish emas. Haqiqiy maqsad sizga haqiqatdan yoqadigan ish bilan shug’ullanish va har qadamda zavq olishdir. Oxir-oqibat, hayotingiz oxirida 2 asosiy savol qoladi: “Men boshqa odamlarning hayotiga qanday ta’sir qildim?” va “Men nima xizmat qildim va dunyoni yaxshiroq qildimmi?”

2. Mag’lubiyatchi fikrlarni to’xtating

Hayot vaqti-vaqti bilan sizga qiyinchiliklarni va adolatsiz vaziyatlarni tashlaydi. Bunday hollarda, salbiy narsalar haqida o’ylab, tashvish va shubhalaringizni qayta-qayta takrorlamaslik muhimdir. Axir, muvaffaqiyatli odamlarning boshqalardan farqi shundaki, ular uzoq vaqt achinishmaydi.

Birinchilardan namuna oling: oyoqqa turing, moslashing, muvaffaqiyatsizlikdan saboq oling va undan foydalaning. O’tmishga uzoq qolib ketmang. Shunda siz hayotda ko’proq g’alabalarga ega bo’lasiz.

3. Boshqalar bilan quvonch ulashing

Biz doimo yomon narsa haqidagi yangiliklarni eshitamiz va ba’zida salbiy tomonga cho’kmaslik qiyin bo’lishi mumkin. Do’stlaringiz, oilangiz va hamkasblaringiz bilan yaxshi narsalarni bo’lishishni qoidaga aylantiring. Olimlar siz bilan sodir bo’lgan quvonchli hodisalar haqida gapirish baxtga yo’l ekanligini isbotladilar. Haftada kamida ikki marta boshqa odam bilan ijobiy tajriba almashgan tadqiqot ishtirokchilari, o’z hayotlaridan mamnun bo’lishdi. O’zingiz sinab ko’ring.

Quvonchli narsa bilan bo’lishish uchun har qanday imkoniyatdan foydalaning: rag’batlantiruvchi so’zlar, kulgili rasm, ilhomlantiruvchi hikoya, hazil, foydali kitob, maqola, podkast yoki shunchaki yaxshi yangiliklar bilan bo’lishing. Bu boshqa odamning ko’nglini ko’taradi va ularning javoblari sizni ilhomlantiradi.

4. Ijobiy odamlar bilan muloqot qiling

Abadiy norozi odamlar, chaqirilmagan kasallik singari, atrofdagilarni o’zlarining kayfiyatlari bilan yuqtirishadi. Salbiy fikrlashdan esa, stress va tashvish darajasi oshadi, baxt hissi kamayadi.

Muloqot paytida, odamlar atrofdagi dunyoni qanday qabul qilishlariga e’tibor bering. Agar kimdir uchun stakan yarmi bo’sh bo’lsa va odam doimo faqat yomonni ko’rsa, u bilan kamroq vaqt o’tkazishga harakat qiling. Sizni pastga tortishdan ko’ra, sizni qo’llab-quvvatlashga va sizni ilhomlantirishga tayyor bo’lganlar insonlar bilan ko’proq muloqot qiling.