Nima uchun bu g’iybatlarni aytish keragi bor?

Bir yosh yigit faylasufning oldiga yaqinlashib, dedi:

– Sokrat, eshitdingizmi? Do’stingiz siz haqingizda qandaydir g’iybat tarqatib yuribdi?

– To’xta. Menga aytishdan oldin eshitgan gaplaringni uchta elakdan o’tkaz.

Birinchisi – haqiqat elagi. Menga aytmoqchi bo’lgan so’zlar haqiqat ekanligiga kafolat bera olasanmi? – dedi Sokrat.

– Xo’sh … Men buni har xil odamlardan eshitdim.

– Shunday qilib, sen o’zing ham bu so’zlarga ishonch hosil qilmayapsan. Endi ikkinchi elakdan bu so’zlarni o’tkaz – yaxshilik elagi. Nima deb o’ylaysan, bu yangiliklar meni xursand qiladimi va bu men uchun yoqimli bo’ladimi yoki yo’qmi?

– Ehtimol, yo’q.

– Endi bu so’zlarni foyda elagidan o’tkaz va bu menga foydali bo’ladimi?

– Men shubhadaman.

– Shunday qilib, sen menga, haqiqat va yaxshilikga ega bo’lmagan so’zlarni aytmoqchisan. Bundan tashqari, bu so’zlar men uchun mutlaqo befoyda. Nima uchun bu g’iybatlarni aytish keragi bor?