Sevgi og`riq olib keladi?!

Hozirda ko`pchilik insonlar munosabatning yaxshi emasligini ta`kidlashmoqda. Nima uchun munosabat bo`lmayapti? Bu savol barchani qiziqtirib kelmoqda. Va ko`pincha qiyinchilik vaziyatlarda biz boshqa insonni ayblashni boshlaymiz. Shunday keyin barcha sevgi og`riq olib kelishi va uning mashaqatlari qiyinligini aytishadi. Lekin munosabat bo`lmagani uchun bitta inson aybdor bo`lmaydiku? Chunki munosabatni ikki kishi qurishi kerak emasmi?

Balki siz munosabat qurishni xohlamayotgandirsiz? Balki siz boshqa inson uchun (ruhiy) o`lishga va o`zingizni boshqaga bag`ishlashga tayyor emasdirsiz?

Bir ruhoniy bo`lgan ekan. Kunlardan bir kun u bir yosh juftlik bilan gaplashib turganda, ruhoniy ularning munosabatlaridagi qiyinchiliklarda yordam bermoqchi edi. Va yosh qiz shunday gap aytdi: “Men rohat olishni xohlayman, o`zimni shu munosabatlarda yaxshi his qilishni xohlayman”.

Shunda ruhoniy bunday javob bergan: “Agarda sen bunday munosabatlarga intilgan bo`lsang, undan ko`ra er o`rniga it sotib olsang bo`larmidi! Turmushning markazi – bu rohat emas. Turmushning marqazi – bu sevgi”.

Agarda Nazareth guruhining “Love Hurts” qo`shig`ini eshitgan bo`lsangiz, unda “Love Hurts” ko`shig`i yani “Sevgi og`riq olib keladi” (Sevgi og`riq olib keladi. Agarda u og`riq olib kelmasa – demak bu sevgi emasmi?).

Nima uchun sevgi og`riq olib keladi? Chunki biz qanday qilib sevishni bilmaymiz. Chunki bizda boshqa insonlardan o`z kutishlarimiz bor va ushbu kutishlarimiz amalga oshmasa, biz og`riqni his etamiz. Biroq sevgi – bu berish qobiliyati va qaytarishni kutmaslik qobiliyatidir.

Avvalambor munosabatlarda, bir–biringizni chin yurakdan yaxshi ko`ringlar. Chunki sevgi ko`p xatolarni yuvadi. Bir xil fikr qilish, bir–biringizga mehr–muhabbat ko`rsatish, yakdillik bilan hamfikr bo`lish – sevgining mustahkam asosidir!

Sevgi haqida bir chiroyli gap bor ekan: “Sevgi sabr–toqatli va mehribondir. Sevgi hech ham hasadga yo`l qo`ymaydi, boshqalarga maqtanib, kekkaymaydi. Sevgi odobsizlik, xudbinlik, jahl qilmaydi va aksincha dalda beradi. Sevgi nohaqlikdan sevinmaydi, aksincha haqiqat qaror topganda shodlanadi. Sevgi barcha narsani ko`taradi, hech qachon ishonchini yo`qotmaydi, har sharoitda umid saqlab, har narsaga toqat qiladi.”

Do`stlar sevish va sevimli bo`lish oson ish emas. Sevgan vaqtda inson ko`p qiyinchiliklarga duch kelishi mumkin. Biroq sevgi bu ohirgi maqsad emas – balki bu jarayondir. Sevinglar va sevimli bo`linglar!