Texnogen tsivilizatsiya: ijobiy yoki salbiy?

Yangi texnologiyalar bizga yordam berishmoqdami yoki … bizni o`ldirmoqdalarmi? Har xil moshinalar va mexanizmlar og`ir jismoniy mehnatni bajarishni ko`zlab yaratilmoqda. Muloqot tarmog`i munosabat qilishni, ishlarni olib borish va qulay joyda utirib dam olish kabi imkoniyatlarni yaratadi. Insoniyat hattoki informatsion maydonni yaratdi – xalqaro Internet tarmog`i. Bir tarafdan qarasak, yaratilayotgan yangi texnologiyalar hayot tarzimizni osonlashtirish va engillashtirish maqsadida yaratilmoqda. Bu yaxshi emasmi?

Mushkul ishimizni texnlogiyalarga topshirib, bo`sh qolgan vaqtni biz nimaga sarflamoqdamiz? Biz yanada ko`proq hordiqni, ko`proq komfortni talab qilishni boshlamayapmizmi? Shu orqali biz o`zimiz bilmagan holda hayotimizni sekin erinchoqlikga va dangasalikga olib kelamayapmizmi? Bo`sh vaqtimizda uyda yoki ish xonada televizor, smartfon yoki komp`yuter yonida o`tkazishga intilamayapmizmi? Shunday emasmi?

Bir kun kechasi men uyda noutbuk bilan utirgan edim. Barcha kerak bo`lgan muhim ishlarimni bitirib,  internetda futbol o`yinlarini ko`rib dam olib utiruvdim. Shu vaqtda yonimga 3 yoshli o`g`lim keldi. U meni uning moshinachalari bilan birga o`ynashga chaqirdi. Hayolimga kelgan birinchi fikr: “borgin o`g`lim, o`zing o`yna. Men bugun ishlab rossa charchadim. Men o`zim istagandek dam olishni xohlamoqdaman”. Ammo meni shu vaqt boshqa hayol to`xtatdi: “bu sening farzanding, hali yosh, sen qanday ishlaganingni u bilmaydi, bilganda ham tushunmaydi. U shunchaki sening qimmatbaho deb o`ylagan vaqtingdan yarim soat o`ziga olmoqchi xolos”.

Hayotga biz bir marta kelamiz. O`ylaymanki hech kim umri oxirida o`tgan hayotidan afsuslanib qolishni istamaydi. O`tgan hayotidan afsuslanmagan insonni men eng baxtli inson deb bilaman!

Siz bo`sh vaqtingizda nima bilan band bo`lasiz? Vaqtingizni to`g`ri taqsimlay olasizmi?