Yaxshilik qilishga shoshiling

Inson o’zining tug’ilishidan boshlab yaxshilikni xis qiladi. Onaning sevgisi va g’amxo’rligi, uning nurli ko’zlari va jiringlayotgan kulgusi… Biz bola bo’lganimizda eng yaxshi xislatlatlar bizni qamrab oladi. Kichikina insonlar yaxshi yoki yomon tug’ilmaydi. Ota-ona kichkina odamning kelajakdagi xatti-harakatining birinchi va eng muhim namunasi hisoblanadi.

Yaxshilik o’zi nima? Bu bizning qalbimizdagi nurdir, atrofimizdagi dunyo va harakatlariga bizning bo’lgan nazarimizdir. Yaxshilik tushunchalar nisbiydir. Otishmalar bo’lganida, kimdir qotillikni ko’radi va kimdir esa qattiq urushdagi g’alabani ko’radi. Biror jonivor uxlatilib qo’yilganda, kimdir azob-uqubatlardan qutulganini ko’radi, boshqalari esa vaxshiylikni ko’radi. Yaxshilik tushunchasini bitta ibora yoki jumla bilan ifodalanishi mumkin emas, chunki u har bir kishi uchun boshqacha.

Biz butun hayotimiz davomida yaxshilikni ko’ramiz: bir bola yangi do’sti bilan o’yinchoq bilan bo’lishdi; o’smir mushukni qutqarish uchun daraxtga chiqdi; qiz qariya insonga yo’lni kesib o’tishga yordam berdi; avtoxalokatga uchragan jabrlanganga birinchi yordam ko’rsatgan; keksa ayol ko’chada muzlab qolgan uysiz hayvonni saqlab qoldi. Har kim o’z yoshi va ijtimoiy mavqeidan qat’i nazar, yaxshi ishlar qilishi mumkin.

Yaxshilik – biror bir buyuk ish qilish degani emas. Har kuni oilani olovdan qutqaradigan yoki avtoxalokatga uchragan odamga birinchi tez yordam ko’rsatadigan odamlar ko’p emas. Kichkina narsa yonidan o’tib ketish kerak emas, chunki har bir kichkina yaxshilik bir necha barobar ko’proq qaytib kelishi mumkin.

Axloqiy yordam haqida unutmasligimiz kerak. Inson muommolariga yordam berish, ularga yechim topish – bu ham muhimdir. Kimnidir xursand qilish, hazil qilish, eng kamida bir necha daqiqali samimiy quvonchni yetkazish oson. Agar har kim o’z yorug’ligidan bir oz boshqalar bilan baham ko’rishni boshlasa, barcha uchqunlarni yig’ib, butun bir quyoshni yasashingiz mumkin.

Bizning kayfiyatimiz va ruhiy holatimiz boshqa odamlarga qanday munosabatda bo’lishimizga bog’liq – oilamiz, do’stlarimiz va hatto bizning yo’limizda uchragan musofirlarga.

Hayotimizda ko’p harakatlarni qilamiz – yaxshi yoki yomon. O’z harakatlarida yaxshi narsalarni ko’rsatgan inson hech qachon yolg’iz qolmaydi. Vaqti-vaqti bilan yaxshi ish qilish oson, uni hayot davomida ruhingizda saqlab qolish qiyinroq.

Yaxshi yurak – bu bog’ kabidir, yaxshi fikrlar – bu ildizlar, yaxshi so’zlar – bu gullar, yaxshi ishlar – bu meva hisoblanadi. O’z bog’ingizga g’amxo’rlik qiling va uni begona o’tdan himoya qiling, uni hushmuomala so’zlar va yaxshi ishlar bilan to’ldiring. Keyin har bir yangi kun, oy yoki yillar sayin bog’ingiz gullaydi, unda faqat eng kam uchraydigan va eng go’zal o’simliklar o’sadi va bu bog’ni ko’rgan boshqa odamlar o’zlarini bog’ini yaratadilar. O’z qalbingizdan yaxshilik qilsangiz, uning ko’zgularini boshqa odamlarda ko’rasiz.