JCh—2022 guruh bosqichiga qur’a tashlandi

2022-yil Qatar mezbonligida o‘tadigan futbol bo‘yicha Jahon Chempionati bellashuvlariga qur’a tashlash marosimi bo‘lib o‘tdi.

Turnirning ochilish uchrashuvi 21 noyabr kuni A guruhi vakillari Qatar va Ekvador o‘rtasida kechadi.

«O‘lim guruhi» sifatida E kvartetini ko‘rsatish mumkin. Ushbu guruhda 2010 va 2014 yilgi mundial chempionlari Ispaniya va Germaniya o‘zaro to‘qnash keladigan bo‘ldi. 

Shuningdek, muxlislar C guruhida Argentina va Polsha o‘yinida «Oltin to‘p» uchun kurashgan Messi – Levandovski to‘qnashuvi guvohiga aylanishlari mumkin.

JCh-2022. Qur’a tashlash marosimi yakunlari:

• A guruhi: Qatar (mezbon), Senegal, Ekvador, Niderlandiya
• B guruhi: Angliya, AQSh, Eron, Uels – Shotlandiya/Ukraina
• C guruhi: Argentina, Saudiya Arabistoni, Meksika, Polsha
• D guruhi: Fransiya, Daniya, Tunis, Peru – Avstraliya/BAA
• E guruhi: Ispaniya, Germaniya, Yaponiya, Kosta-Rika/Yangi Zelandiya
• F guruhi: Belgiya, Kanada, Xorvatiya, Marokash
• G guruhi: Braziliya, Serbiya, Shveytsariya, Kamerun
• H guruhi: Portugaliya, Gana, Uruguvay, Janubiy Koreya.

Ma’lumot uchun, JCh-2022 bahslari 21 noyabr – 18 dekabr kunlari Qatar maydonlarida bo‘lib o‘tadi.