Yomonlikka mag`lub bo`lmang

Qiziq, ohirgi marta qachon va kimga yaxshilik qildik? Eslolmayabsizmi? Men ham eslolmayapman? Nega kundan kun yaxshilar kamaymoqda? Nega insonlar bir biriga yaxshilik qilmay qo`ydi? Hozir ko`pchilik hatto yaxshilikni ham pulga qilyabdilar? Naxotki o`sha oddiy kir qog`oz inson qadridan ustun bo`lsa? Naxot insonning qadri shunchalik past bo`lsa?

Kunlarning birida yaxshilik va yomonlik bahslashib qolibdi. Yomonlik debdi: Hoy yaxshilik agar bilsang men sendan kuchliman, chunki men tarafimdagi yomon insonlar ko`p debdi. Shunda yaxshilik debdi: yo`q yomonlik agar bilsang men sendan kuchliman men tarafda yaxshi insonlar ozroq bo`lishi mumkun, lekin ular juda ham kuchlidir debdi. Shunda yomonlik yana debdi: Bari bir men sendan kuchliman. Hozir men tarafdagi odamlar har qanday yomonlikka bormoqdalar debdi. Shunda yaxshilik mayli men sen bilan bahslashmayman, yur undan ko`ra kim kuchli ekanligini borib vijdondan so`raymiz debdi. Yaxshilik va yomonlik vijdon oldiga borib so`rashibdi. Aytchi ey vijdon yaxshilik kuchlimi yoki yomonlikmi? Shunda vijdon javob beribdi: To`g`ri insonlarni ko`prog`i yomonlik tarafda bo`lishi mumkun, lekin yomonlikni hech kim yodga olgisi kelmaydi iloji boricha yomonlikni unutishga harakat qiladilar. Yaxshilik tarafida odamlar oz bo`lsa ham yaxshilikni hech kim unutmaydilar, doim ular yaxshilikni yodda saqlashga harakat qiladilar. Hayotda har bir insonning vijdoni yaxshilik tomonidadur. Yomonlikni esa faqat yaxshilik enga oladi. Yomonlik qanchalik kuchli bo`lmasin yaxshilikni enga olmaydi deb javob beribdi. 

Darhaqiqat dunyo yaralibdiki yaxshilik va yomonlik bahsi mudom davom etmoqda. Afsuski hozir ba`zi insonlarda yomonlik ustun kelmoqda. Inson kimgadir yomonlik qilishdan foyda bormi? yo`q! birovga yomonlik qilishni hech foydasi yo`q, birovga azob berib semirib ham ketmaymiz. Faqat qilgan yomonligimizni uzoqdan tomasha qilishimiz mumkin. Lekin buni ko`rib vijdonimiz qiynalgani qoladi holos. Shu kungacha yomonlik hech kimga foyda bermagan, foyda bermaydi ham, aksincha ziyon keltiradi.

Shuning uchun yaxshilikda dono, yomonlikdan xoli bo`lishga xarakat qilaylik, agar yaxshilik qilish qo`lingizdan kelmasa, hech bo`lmasa yomonlik qilmang. Agarda sizga kimdur yomonlik qilsa, albatta siz ham unga yomonlik qilishingz shart emas. Siz undan aqlliroq bo`ling. Hech kimga yomonlik evaziga yomonlik qaytarmanglar. Barcha odamlarning ko`zi oldida yaxshilik qilishga intilinglar. Chunki bu dunyoda kim nima eksa shuni o`rib oladi. Shunday ekan, yaxshilik qilishdan bezimaylik. Agar bo`shashmasak, o`z vaqtida buning hosilini o`rib olamiz. Kimdur sizga yaxshilik qilganini aslo unutmang, kimgadur qilgan yaxshiligingizni umuman uniting. Ana shunda siz yaxshilikka muhtoj bo`lganingizda yaxshilik yoningizda turadi. Har birimiz o`zganing yaxshilik va rivoj topishiga g`amxo`rlik qilib, insonlarni mamnun qilishga harakat qilaylik.  Chunki insonyat yaxshilikka va har xil bilimga boy hamda bir-birimizga pand-nasihat qilish uchun yaralganmiz. Vijdoningiz toza bo`lsin. Yomonlikdan nafrat qilib, yaxshilikka chirmashib olaylik. So`zim oxirida men shu so`zlar bilan tugatmoqchiman.

“Yomonlikka mag`lub bo`lmang, yomonlikni yaxshilik bilan mag`lub qiling”