Windows Xp yoki Windows 7 ?

Hozirgi kunda deyarli barcha soxaga komp`yuter texnologiyasi kirib borgan, xar bir karxona va hattoki har bir xonadonga. Kundalik hayotimizdagi ishlarimiz bora bora ko`p foizi komp`yuterga bog`liq bo`lib qolmoqda. Shunday ekan, komp`yuterning uzluksiz ishlashi ham juda kerakli bo`lib bormoqda.

Vaqti vaqtidan biz o`z ishimizda yoki uyimizdagi komp`yuter operattsion tizimini qaytadan o`rnatishga, yoki yangilashga to`g`ri keladi. Bunga sabablar bir qancha bo`lishi mumkin, masalan: komp`yuterga virus tushishi yoki zararli dastur oqibatida, balki komp`yuterimiz qattiq diski ishdan chiqishi mumkin, yoki bo`lmasam butunlay yangi komp`yuterga operattsion tizim o`rnatishimiz kerak bo`lib qoladi. Bu kabi sabablar juda ko`p keltirishimiz mumkin, lekin aynan mana shu vaqtda bizning qaysi operatsion tizimni tanlashimiz kerakligi borasida o`ylanib qolishimiz mumkin.

Hozirda Windows ning juda ko`plab versiyalari mavjud. Biroq ularning ichida eng mashxuri va foydalanuvchilar tomonidan e`tirof etiladigani bu Windows Xp va Windows 7. Windows Xp 2001 yilda chiqqaniga qaramasdan, uning ishonchligi, ko`p funktsiyaviyligi, foydalinishdagi qulayligi bilan hozirgi kunda operatsion tizimlar ichidagi eng mashhurlaridan biri bo`lib qolmoqda. O`z navbatida Windows 7 Microsoft kompaniyasining yangi operatsion tizimi. Operatsion tizimlar tanlash borasidagi baxs ham aynan mana shu ikkalasi orasida boradi.

Keling ikkala operatsion tizimning afzallik va kamchilik taraflarini ko`rib o`tsak:

– Ko`pchiligimiz Windows Xp operatsion tizimiga drayver topish muommasiga duch kelganmiz. Windows 7 da bunday muammo bartaraf qilingan. Windows 7 internetdan o`ziga kerakli bo`lgan drayverlarni avtomatik tarzda topib, uni o`rnatadi. So`zsiz  bu borada Windows 7 Windows Xp dan ancha ilgarilab ketgan. Lekin shu bilan bir qatorda Siz Windows Xp operatsion tizimida ishlashga o`rganib qolgan dasturlaringizning ko`pchiligi Windows 7 operatsion tizimida ishlamasligi mumkin. Albatta bu muammoni “tsentr sovmestimosti programm” ilovasi orqali to`g`irlasa ham bo`ladi, ammo shundan keyin ham dasturlarning ishonchli ishlashiga kafolat yo`q. Buning uchun foydalanuvchi o`ziga kerakli bo`lgan dasturlarni internetdan yoki boshqa manbalardan qidirib topishiga to`g`ri keladi.

– Operatsion tizimlarning eng muhum taraflaridan yana biri – bu uning ishlash tezligi. Bu borada esa Windows 7 da katta ustunlik bor. Qattiq diskga ma`lumotlar yozish, ularni ko`chirish, arxivdan chiqarish va shunga o`xshash barcha amallar Windows 7 operatsion tizimida Windows Xp bilan solishtirganda tez amalga oshiriladi.

– Yana bir ko`rib o`tadigan komponent – bu grafika va video o`yinlar. Hozirgi kunda Windows Xp video o`yinlar uchun eng tezkor operatsion tizim bo`lib qolmoqda. Windows 7 da esa bu borada bir qancha muammolar mavjud.

Mana ko`rib turganimizdek operatsion tizimni tanlash, aniq bir vazifa va komp`yuterning imkoniyatidan kelib chiqadi. Yani katta xajmli operativ xotiraga ega bo`lgan komp`yuterlar uchun Windows 7. Ammo sizning qo`lingizda uncha kuchli bo`lmagan o`rtamiyona komp`yuter yoki noutbuk bo`ladigan bo`lsa, unda Windows Xp ni tanlagan ma`qul.