Balida foydalanishdan chiqarilgan Boeing 737 ni hashamatli villaga aylantirishdi

Samolyot qismlarga ajratilgan va keyin Nyang Nyang plyaji ustidagi tik jarlikka ko’tarilgan. Barcha yo’lovchi o’rindiqlari va bagaj javonlari olib tashlangan fyuzelyajda ikkita to’liq yotoq xonasi qurilgan va kabinada katta tosh hammom o’rnatilgan.

Bundan tashqari, uning yonida vertolyot maydonchasi, qanotlaridan birida osilgan bog’lar, shuningdek, Hind okeaniga qaraydigan kichik hovuz jihozlangan. Bunday villada bir kecha-kunduz 7 ming dollardan bir oz ko’proq turadi.