Xayron qolasiz: Sevimli yeguliklarimiz aslida nimadan tayyorlanishini bilasizmi?

Vaqti-vaqti bilan o‘zingizni shirinliklar bilan siylash yoqimli, albatta. Hammamizning sevimli taomlarimiz bor, lekin tan olish kerak: ular aslida nimadan tayyorlangani haqida deyarli o‘ylamaymiz.

Nutella

Nutella’ning asosiy tarkibiy qismlari shakar va palma yog‘i — u 50% dan ortiqni tashkil qiladi. Bundan tashqari, pastada 13% fundiq, 7,4% kakao va 8,7% yog‘siz sut mavjud.

Ko‘plab mamlakatlarda Nutella fundiqdan tayyorlangan krem sifatida sotiladi. Ammo uni shokolad pastasi deb bo‘lmaydi, chunki tarkibida kakao kukuni juda kam.

Donuts

Aminokislota L-sistein (E920) o‘rdak patlari yoki inson sochidan olinadigan oziq-ovqat qo‘shimchasidir. Sistein pishiriqlarda ishlatiladi, chunki u xamirga elastiklik va yumshoqlik beradi.

Donut, simit yoki pitssalar tarkibida kimyoviy ishlov berilgan pat yoki sochlar bo‘lishi mumkin. Shu bilan birga, sistein har doim ham qadoqda ko‘rsatilmaydi.

Saqich

Saqich asos, ta’m beruvchi, yumshatuvchi moddalar, aromatizatorlar, ranglar va qattiq yoki kukunli poliol qoplamasidan iborat. Saqich asosi polimer, plastifikator va qatronlardan iborat. Polimerlar elastiklik va yopishqoqlik uchun, plastifikatorlar plastiklik uchun, qatronlar chaynash xususiyatlari uchun javobgardir.

Donli nonushtalar

Ionol (butilgidroksitoluol) — bu samolyot yoqilg‘isi, moylash materiallari va nonushta donlarini ishlab chiqarishda antioksidant sifatida ishlatiladigan organik modda hisoblanadi.

Olimlarning ta’kidlashicha, bunday donlarda uchraydigan mazkur kimyoviy modda ovqat hazm qilish tizimining miyaga organizm to‘ygani haqidagi signalga xalaqit berishi mumkin. Bu ortiqcha ovqatlanishga olib keladi.

Sosiskalar

Arzon sosiskalarda tumshuq, tuyoq va boshqa qoldiqlar borligi haqidagi mish-mishlar rad etilgan. Qo‘shimcha mahsulotlarning mavjudligi tarkibda ko‘rsatilishi kerak. Sosiska ko‘pincha go‘sht va qiyma qoldiqlaridan tayyorlanadi.

Ba’zi “sosiska” tarkibiy qismlari bug‘doy yoki guruch uni, mahsulotning og‘irligini oshirish uchun suv, konservantlar va ta’m kuchaytirgichlardan iborat bo‘ladi. Sosiska po‘stlog‘i hayvonlarning ichaklaridan yoki sigir va cho‘chqa terisi kollagenidan (arzonroq sosiska ishlab chiqarish uchun) tayyorlanadi.

Ketchup

Ketchupning asosiy tarkibiy qismlari pomidor, shirin maza beruvchilar, sirka, tuz, ziravorlar, aromatizatorlar, piyoz va sarimsoqdir. shirin maza beruvchilar odatda shakarqamish yoki lavlagi shakaridir. Boshqa shirin maza beruvchilar makkajo‘xori yoki glyukoza siropi shaklida dekstroz yoki suyuq shakarni o‘z ichiga oladi.

Turli xil ketchup markalari o‘xshash formulalarga ega, ular asosan ziravor yoki xushbo‘y moddalar miqdori bilan farqlanadi. Quyuqligi pomidor sharbatiga nisbatan shakar va ziravorlarning yuqori nisbatiga bog‘liq.

Shokoladli sut

Shokoladli sut, muzqaymoqning ba’zi turlari, pudinglar va yogurtda ko‘pincha qizil suv o‘tlari kukuni bo‘lgan karagenan mavjud. Mahsulot yog‘ va kaloriya miqdorini oshirmasdan, boshqa ingredientlarni biriktiradi.

Sabzavotga asoslangani uchun markirovkalash uchun qulay: dengiz o‘tlari nazariy jihatdan organikdir. Biroq so‘nggi yillardagi tadqiqotlar shuni ko‘rsatadiki, karragenan ovqat hazm qilish tizimiga zararli bo‘lishi mumkin. Ehtimol, yaqin kelajakda u organik deb hisoblanmaydi va uni ishlatish sezilarli darajada kamayadi.

Pringles

Ko‘pchilik Pringles’ni maxsus usulda kesilgan va yog‘da qovurilgan kartoshka deb o‘ylaydi. Aslida, bu chipslar 42% kartoshkadan iborat xolos. Qolgani suv va kraxmalli un. Ingredientlar presslanadi va dumaloq chipslar tayyorlanadi.

Shishasimon lapshalar (funchoza)

Albatta, bunday lapshlar sabzavotli kraxmaldan, ko‘pincha mung loviyasidan, kamdan kam hollarda shirin kartoshka yoki no‘xatdan tayyorlanadi.