7 yil uysiz yashagan yigit qarovsiz itlarga g‘amxo‘rligi ortidan qo‘nim va internetda mashhurlikka erishdi

Ijtimoiy tarmoqlarda Choko nikneymi bilan mashhur bo‘lgan kolumbiyalik Xose Luis Matos yetti yil avval Choko laqabli iti bilan ko‘chada yashardi. U og‘ir turmush sharoiti tufayli uyini tark etdi, biroq hech kim yordam bermagani va qo‘llab-quvvatlamagani tufayli qiyin sharoitga tushib qoldi.

Choko ikkita iti: Sheggi va Nena bilan juda yaqin bo‘lib qolgan. Bunga esa bir voqea sabab bo‘lgan.

Bir kuni parkda yigit va uning sevimli itlarini yo‘lovchilardan biri payqab qoldi. Yo‘lovchi ta’sirchan va nihoyatda ajoyib manzaraning guvohi bo‘lib, uni suratga olib, ijtimoiy tarmoqlarga joylashtirdi.

Kadrlarda Choko, Sheggi va Nenaning kechki payt quyosh nurlari ostida zinapoyada o‘tirganini ko‘rish mumkin. Itlarning boshiga bayram qalpoqlari kiydirilgan edi. Videoda itlarning egasi tortni qutidan oladi, sham qo‘yadi, qarsak chalib, “Tug‘ilgan kuningiz bilan” deb kuylaydi.

Yigit itlarni o‘padi va quchoqlaydi. Choko tort bo‘laklarini bo‘lib, ularni likopchalarga joylashtiradi va itlariga beradi. Videoning oxirida yigit ko‘zlarini ishqalaydi va go‘yoki bu voqealar unga qattiq ta’sir qilganga o‘xshaydi.

Operator videoni suratga olgach, Choko bilan tanishishga qaror qilgan. Shundan keyin u Chokoning sharoti og‘ir ekanini, qiyinchiliklarga qaramay u har doim Sheggi va Nenaning kamchiliksiz hayot kechirishini ta’minlashga harakat qilayotganini bilib oldi. Bu o‘z navbatida ular uchun ko‘rsatilgan yordam edi.

Shu kuni ular to‘rtinchi marta Sheggi laqabli itning tug‘ilgan kunini nishonlashdi.

Video ijtimoiy tarmoqlarda tarqalgach, Choko va itlarining hayoti tubdan o‘zgardi. Ular yashayotgan istirohat bog‘i o‘nlab mehribon insonlarning sevimli joyiga aylandi.

Bog‘ga tashrif buyurgan insonlar Choko va uning itlari uchun zarur narsalar, jihozlar, pullarni xayriya qildi. Kimdir yigitga telefon sovg‘a qildi va bu sovg‘a ularning hayotidagi yana bir muhim voqea bo‘ldi.

Choko ijtimoiy tarmoqlarda sahifalarini ishga tushirdi. Uning hayotiy hikoyasi minglab insonlarning qalbiga ta’sir qildi va ular uning akkauntiga obuna bo‘lib, voqealarning keyingi tafsilotini kuzata boshladi.

Bugungi kunda ularning hayoti yaxshilanganini ko‘rish mumkin. Hozirda Choko va uning itlari ko‘chada yashamaydi. Bundan tashqari, Choko qiyin vaziyatga tushib qolgan boshqa hayvonlarga yordam berish bilan shug‘ullanadi. Shuningdek, u insonlar uchun maxsus futbolkalar va itlar uchun yoqachalar sotadi. Choko o‘z daromadining bir qismini xayriya tashkilotlariga o‘tkazadi.

Bir kuni Choko sahifasiga juda ta’sirli va katta ma’noga ega suratni joyladi. U 2015-yilda itlari bilan ko‘chada tunagani, 2022-yilda esa shinam to‘shakda uxlagani aks etgan suratni folloverlariga ko‘rsatgan. Shuningdek, Choko ikkinchi imkoniyat berilganidan cheksiz minnatdor ekanligi haqida post yozib qoldirgan.

Hozirda bu oila uchun bayramlar ancha yoqimli muhitda o‘tadi. Choko hali ham itlariga g‘amxo‘rlik qiladi va ularga dalda beradi.