“Chelsi” Angliya kubogi g`olibi!

“Chelsi” Angliya kubogi g`olibi! Bu iborani eshitgan chelsining ashaddiy muhlisi ham mavsum o`rtalarida ishonmas edi. Ha, haqiqatdan ham Roberto Di Matteo Chelsini inqiroz ko`chasiga kirib qolgan jamoani g`oliblik sari ko`tardi desak adashmaymiz.

Angliya kubogi finali. Bu sovrinni “Liverpul” klubi etti marotaba qo`lga kiritishgan. “Chelsi” klubi esa olti marotaba kubokni o`z muzeyiga olib ketishga muvaffaq bo`lgan edi. Bu safargi final o`yini nafaqat “arestokratlar” uchun, balki “Liverpul” uchun ham juda muhum uchrashuv edi. Albatta har bir final bahslari muhum uchrashuvlardan sanaladi, ammo bu klublar uchun mavsum juda og`ir keldi, shu sabab bu final ularga shu mavsumda “Liverpul” uchun ikkinchi, “Chelsi” uchun esa birinchi va oxirgi kubok bo`lishi kutilgan edi. 

O`ta qiziqarli, murosasiz va hujumkor kechgan uchrashuv 2:1 hisobida “arestokratlar” foydasiga hal bo`ldi. Har ikki jamoa ham muxlislar uchun haqiqiy futbol spektakli namoyish etib berishdi. “Chelsi” ham, “Liverpul`” ham g`alaba qozonish uchun bor imkoniyatlarini ishga soldilar. O`yinning 11 – daqiqasida himoyachilardan qochib, darvozabon bilan birga-bir vaziyatga chiqib borgan Ramires hisobni ochdi. Ana shundan so`ng bir-birini o`rganayotgan jamoa ochiq futbol namoyish etishga tushib ketdilar. “Liverpul`” qarshi hujumda darhol javob qaytirishi mumkin edi, biroq “arestokratlar” himoyada bexato o`yin namoyish etdilar. Birinchi bo`limda har ikki jamoada etarli imkoniyatlarni yuzaga keltirgan bo`lsalarda, birinchi bo`limda hisob boshqa o`zgarmadi.

Ikkinchi bo`lim esa birinchisidan ham qizg`in o`tdi. Dastlab, Drogba o`z uslubida birgina harakat bilan darvozabonnni dog`da qoldirdi va hisob 2:0 ga etdi. Shundan so`ng “Liverpul`” tinimsiz hujum uyushtirishga o`tdi va o`yinning ikkinchi bo`limida o`yinga tushurilgan  Kerroll hisobni 2:1 ko`rinishiga olib keldi. Kerrolning bu golidan keyin “Liverpul” muhlislari joniga aro kirdi desa bo`ladi, va ko`pchilik Evropa Chempionlar Ligasi final uchrashuvini esga olishdi, eslatib o`tamiz bu final uchrashuvida “Liverpul” italiyaning “Milan” klubidan birinchi bo`limda 3:0 hisobidan yutqaziyotgan vaqtida, o`yin tizg`inini o`z qo`liga olib, chempionlar ligasi g`olibi bo`lishga erishgan edilar. Qolgan daqiqalarda ham asosan, “Liverpul`” hujum uyushtirdi, qator imkoniyatlarga ega bo`ldi, biroq o`yinda hitsob boshqa o`zgarmadi.

Shu tariqa “Chelsi” Angliya kubogi bosh sovrinini boshi uzra baland ko`tardi. Barcha chelsi muhlislarini bu ajoyib g`alaba bilan tabriklaymiz va oldinda 19 – may kuni bo`lib o`tadigan Evropa Chempionlar Ligasi final o`yinida omad tilab qolamiz!