David de Xea 12 yildan so‘ng “Manchester Yunayted”ni tark etdi

“Manchester Yunayted” darvozaboni David de Xea klubni tark etdi. Bu haqida mankunianliklar rasmiy sayti ma’lum qildi.

Ispaniyalik kiper “qizil iblislar” sharafini 12 yil davomida himoya qilib keldi. Darvozabon 2011-yilda “Atletiko”dan “Manchester Yunayted”ga o‘tgan edi.

David Manchester klubi safida 545 ta o‘yin o‘tkazib, shundan 190 tasida darvozasi daxlsizligini saqlay olgan. Bu “Manchester” darvozabonlari ichida rekord natija hisoblanadi.

32 yoshli ispan klub bilan birgalikda 5 ta sovrin qo‘lga kiritgan: APL, Yevropa Ligasi, Angliya Kubogi va Angliya Liga Kubogi (2 marta).