O`zbekiston o`smirlari chorak finalda

Aytib o`tishimiz joyizki, futbol bo`yicha Eronda o`tkazilayotgan 2012 yilgi o`smirlar o`rtasidagi Osiyo chempionati futbol muxlislarini ancha xavotirga solmoqda. O`smirlar terma jamoamiz chempionatdagi birinchi o`chrashuvini Hindiston o`smirlar terma jamoasiga qarshi o`tkazishdi. Bu uchrashuvda jamoamiz futbolchilari Hindistonlik futbolchilar ustidan 3:2 hisobida g`alaba qozonishganida, ko`pchilik futbol muxlislari chempionat chorak finaliga chiqish uchun  birinchi qadam tashlandi  deb xursand  bo`lishgandi.

Lekin jamoamiz ikkinchi uchrashuvda Xitoy o`smirlar termasi bilan jangavor durang 1:1 hisobini  qayd etishganida, shubxasiz muxlislarda bo`lgan xavotir uyg`ondi.

Kecha, 27 sentyabr` kuni O`zbekiston o`smirlar terma jamoasi o`z guruhidagi 3-tur doirasida Suriya terma jamoasiga qarshi maydonga chiqdi. O`yin suriyaliklarning 1:0 hisobidagi g`alabasi bilan yakuniga etdi. Suriya o`smirlar terma jamoasi bu g`alabadan keyin guruhda birinchi o`rinni egalladi. O`yin yakunlanishi bilan o`zbekistonlik futbolchilar maydonda o`tirib qolishgandi. Sababi futbolchilarimiz chorak finalga yo`l olishi keyingi uchrashuv natijasiga bog`liq bo`lib qoldi.  Biroq parallel o`tgan o`yinda Hindiston Xitoy bilan 2:2 hisobida durang o`ynagani e`lon qilinganidan so`ng, Suriya terma jamoasi a`zolari O`zbekiston terma jamoasini keyingi bosqich yo`llanmasi bilan tabriklashdi.

Natijada 30 sentyabr`, yakshanba kuni bo`ladigan chorak finalda Janubiy Koreya va O`zbekiston terma jamoalari maydonga chiqadigan bo`lishdi. O`yin “Roh-Ohan” stadionida soat 16:30da (Toshkent vaqti bilan) o`tkaziladi. Chorak finalda g`olib chiqqan jamoalar esa yarim final bilan birga kelasi yili BAAda bo`lib o`tadigan jahon chempionati yo`llanmasini ham qo`lga kiritadi.

Chorak finalda o`smirlar terma jamoamizga omad tilaymiz!