yozef Blatter O`zbekiston haqida…!

O`zbekistonda futbol rivojlanishi bilan tanishib chiqqan FIFA prezidenti yozef Blatter xayratda qolganini aytib o`tdi.

16 may kuni Toshkentda FIFA prezidenti yozef Blatter, OFK prezidenti Janga Jilonga va O`FF prezidenti Mirabror Usmonov ishtirokida press-konferentsiya bo`lib o`tdi.

yozef Blatter O`zbekistonga ikki kunlik tashrifi bilan kelgan. Shu kunlar mobaynida U, Ruspublikamizda futbol rivojlanishi buyicha qanday ishlar olib borilayotganligi bilan tanishib chiqdi. U “Paxtakor” va “Lokomotiv” stadionlariga tashrif buyurdi, keyin qurib bitirilayotgan “Bunyodkor” stadionida, hamda Toshkentning boshqa loyihalarini ham ko`rib o`tgan.

Bu yil O`zbekiston futboli 100-yilligi nishonlanadi. Mirabror Usmonov so`zlariga qaraganda shu munosabat bilan FIFA va AFK barcha talablariga javob beradigan ettita yangi stadionlar qo`rib tugatilishi rejalashtirilgan.

FIFA prezidenti 20 yoshgacha bo`lgan ayollar o`rtasidagi jahon chempionatiga mezbonlik qilish xuquqi O`zbekistondan olib Yaponiyaga topshirilgani xaqida ham to`xtab o`tdi.

“Bu juda noxush qaror bo`lgan. O`tgan ishga salovot. Lekin baribir axborot sifatida sizga aytib o`tishim kerak, bu holat uchun barcha mas`uliyatni FIFA o`z zimmasiga oladi. Bu o`rinda O`zbekiston futbol federatsiyasining hech aybi yo`q. Bu ish avvaldan noto`g`ri yo`lga qo`yilgan, avvalo diqqatliroq bo`lishimiz va ishni yaxshiroq tashkillashtirishimiz kerak edi. Men bugun rasman FIFA prezidenti sifatida uzr so`rayman” – dedi yozef Blatter. Keyin U “FIFA kalendariga ko`ra, 2015 yilda 20 yoshgacha bo`lganlar o`rtasida jahon chempionati Osiyoda o`tkazilishi mumkin. O`zbekiston ushbu musobaqani qabul qilishga yaqin turibdi. Yana bir narsani qo`shimcha tarzda aytib o`tmoqchiman, 20 yoshgacha bo`lganlar o`rtasidagi musobaqani o`tkazish bu 52 ta o`yinni qabul qilish degani. Bu esa 6 ta stadion kerak degani. yigirma yoshlilar o`rtasidagi jahon chempionati FIFA uchun muhimligi jihatidan ikkinchi o`rinda turadigan musobaqasidir” – dedi aytib o`tdi.

Eslatib o`tmoqchimiz, yozef Blatterning bu lavozimda O`zbekistonga qilgan uchinchi tashrifidir. Blatter O`zbekistonga so`nggi bor 2007 yilda tashrif qilgan.