Baxt va xursandchilik

Bizni baxt tushunchasi bilan nima bog`lab turadi? yigitlar baxtni kelajakdagi chiroyli ayol bilan bog`laydi. Qizlar esa o`ziga mos yigitni uchratishni baxt deb hisoblaydi. Ba`zi erkalarda oilasini moddiy ta`minlay olishini baxt bilan bog`laydi. Ayrim insonlar uchun baxtni yangi mashina, tug`ilgan kunda yoqimli sovg`a qabul qilish, ta`tilni yaxshi joyda o`tkazish, ko`ngil ochar kechalar, yangi uy bilan bog`laydi. Xar bir inson baxtli bo`lishni xohlaydi.

Biz pul yig`amiz, xar xil narsalar sotib olamiz, yangi hayajonli vaziyatlar yoki  xabarlar kutamiz, xayotimizni ushbu fikrlar bilan band qilamiz. Agarda bizning baxtimiz shu vaziyatga va buyumlarga bog`liq bo`lsa, unda yaqin insonimiz olamdan ko`z yumsa, sog`liq yo`qolsa, pulimiz tugasa, ko`ngil ochar kechalar yakuniga etsa, unda nima bo`ladi? Bunday vaziyatlarda ko`pincha baxt o`rni tushkinlik kayfiyati egallaydi.

Baxtning aksini xursandchilik ifodalaydi. Biz xayotda juda ko`p va chuqur tashvishlarni boshimizdan kechiramiz. Inson xursandchilik  bo`lishning birinchi sabablaridin biri, bu xar qanday vaziyatda xam, siz o`zingizni muhim va qadrli ekaningizni bilish va angalashdir. Chunki xar bir inson bu dunyoda tasodifiy tug`ilgan emas. Hozirgi vaqtda sizu bizning borligimiz, hayotga intilib yashayotganimiz va Xudo bizlarni muxim va qadrli qilib yaratganini bilishning o`zi bu xursandchilik emasmi?

Nahotki bizning xursandchiligimiz va baxtimiz pulga va vaziyatlarga bog`liq bo`lsa. Bir ishbilarmon shunday degan ekan, “ yoshligimdan Otam meni sevishini mening qadrli ekanimni doimo takror va takror aytar edi. Shuning uchun men hayotimda to`qchilikda ham yo`qchilikda ham, ishlarimdagi omadsizliklaru va omadli damlarda ham xursand bo`lib yashashni o`rgandim. Chunki men hamisha o`zimni muhim va qadrli ekanimni his qilardim.

Sizu biz tasodifiy tug`ilmagan ekanmiz, sizning tug`ilishingiz qandaydir xatolik emas. Siz muhim va qadrlisiz! Bu olamda siz va bizni sevadigan va qadrlaydigan insonlar bor. Shunday ekan siz xursand bo`ling va quvoning! Sizlarga aytaman xursand bo`linglar va yana xursand bo`linglar!  Hamishi o`zingizni qadrli ekaningizni his qilib yashang. O`zini qadrli ekanini bilib yashash bu baxt! O`zini qadrli ekanini bilib, xursand bo`lib yashash esa, bu undanda katta baxtdir. Qadrdonlarim hamisha xursand bo`lib, baxtli hayot kechirishingizni tilab qolaman. Chunki siz muhimsizlar!!!