Quyida berilgan tavsiyalar hayotdagi eng noxush davrni yengishga yordam beradi. O’qing va fikr yuriting.
Hech qachon kech emas
Har bir inson o’z hayotini orqasiga qarab, oldingi orzulari shunchaki orzu bo’lib qolib ketganini ko’radi va bu ko’pchiligimizda sodir bo’ladi. Ehtimol, siz endi juda kech bo’ldi deb o’ylashingiz mumkin. Bunday o’ylarga aldanib qolishga yo’l qo’ymang. Sizda biror kitob yozishga, tog’larga chiqishga, safarga borish yoki orzu qilgan boshqa narsalarni qilishga hali ko’p vaqt bor.
Yangi ustuvorliklarni tan oling
Hayotdagi ustuvorliklar vaqt bilan o’zgaradi va bu normaldir. Manoga ega bo’lmagan orzu va istaklarni tashlab ketishdan qo’rqmang. Agar siz qimmatbaho mashinani sotib olish o’rniga pulni tejash haqida o’ylashni boshlagan bo’lsangiz, bu o’zingizni va e’tiqodingizni o’zgartirishingizni anglatmaydi. Hayotning yangi bosqichiga o’tishda qadriyatlarni o’zgartirishni qabul qilish juda muhimdir.
To’g’ri vaqtni kutishni bas qiling
Biror narsa qilish vaqti keldi. Biroq o’zingizni yo’qotib va borib barcha mablag’ingizni kazinolarda sarflash degani emas. Nima istashingizni aniqlang, reja tuzing va unga rioya qiling. Kutish – noqulaylik hissi va doimiy tashvishlarga olib keladi. Maqsadlaringizga erishib, hamma narsani hayotdan oling, lekin mas’uliyat bilan ishni boshqaring. Do’stlaringiz yoki qarindoshlaringizdan maslahat so’rashdan qo’rqmang, chunki ular chetdan qarab va to’g’ri tanlov qilishga yordam berishadi.
O’tmishga pushaymon bo’lmang
Biz hammamiz nimadandir afsusdamiz. Bu tuyg’usiz hayot kechirish mumkin emas. Lekin uni yengish kerak. Qo’llab-quvvatlaydigan harakatlar qiling: zarar ko’rgan insonlardan uzr so’rang yoki bajarilmagan va’dalar uchun o’zingizni kechiring, keyin esa o’tmishni unuting. Oldinga intilganiz uchun siz yomon odam bo’lmaysiz.
Do’st orttiring
Agar sizda yaqin do’stlaringiz bo’lmasa, endi ularni yig’ish vaqti keldi. Inqiroz davrida kimga siz maslahat uchun boradigan insonlar bo’lishi muhimdir. Do’stlar ishonchli qo’llab-quvvatlaydi va yolg’izlikdan qutqaradi.
O’zingizni sport bilan chalg’iting
Sport hayotning barcha bosqichlarida muhim ahamiyatga ega. U nafaqat tanani, balki ruhni ham mustahkamlaydi. Muntazam jismoniy mashqlar sizning fikringizni yaxshi shaklda saqlaydi va stressni yengishga yordam beradi. Bundan tashqari, sport zalida siz doimo qiziqarli tanishishlar yoki do’st topishingiz mumkin.