O`zgalar bilan solishtirish yaxshimi?

Biz hayotimizda juda ko`p o`zlarini boshqalar bilan solishtirib yuruvchi insonlarni uchratamiz yoki ularga duch kelishimiz mumkin. Bazi hollarda esa, biz ham bu insonlardan mustasno emasmiz. O`zlarimizning yutuq va muvofaqiyatlarimiz har doyim boshqalarniki bilan solishtirib yuramiz. Eng achinarlisi shu ki, biz hatto farzandlarimizni ham bazi vaqtlar boshqa bir bolalar bilan solishtiramiz. Bu yaxshimi?

Boshqalar bilan o`zini solishtirish odati tomir – tomiri bilan yoshlik davrga, yani ota – onalarimiz bizlarni boshqa bir itoatkor va bilimdon bolalar bilan solishtirgan vaqtlarga borib taqaladi. Va bu bizga hozirda, balog`at yoshga etkanimizda ham o`z salbiy tasirini bermoqda. O`z hosilini bermoqda desam ham bo`ladi.

O`zlarimizni boshqalar bilan solishtirishimizga asosiy sabab bu bizning o`zligimiz. Bu o`zlik, boshqalarning o`zimizga nisbatan ijobiy baho berishi va hatto hasad qilishinii istaydi. Biz hohlaymizki, do`stlarimiz, yaqinlarimiz hatto qo`shnilarimiz ham bizning muvofaqiyatlarimiz xaqida gapirishini. Albatta bunday hollarda, bu biz uchun juda yoqimli. Lekin bu bizning xaqiqiy baxtli va shaxs bo`lib o`sishimizga xalaqit beradi.

Agar Siz har doyim o`zingizni boshqalar bilan solishtirib yuradigan bo`lsangiz, tayyor bo`ling! Chunki, har doyim sizdan da omadliroq va sizdanda muvofaqiyatli insonlar topiladi. Bu esa nafaqat kayfiyatimizga, balki o`zimiz haqimizda bo`lgan fikrimizni ham buzadi.

Sizning tuyg`ularingiz va kayfiyatingiz boshqalarning fikriga bog`liq bo`lib qoladi. Siz har doyim muvofaqiyatlaringiz uchun boshqalardan ijobiy fikrlarni kutib yurasiz, hatto oddiygina bozordan sotib olgan narsangiz uchun ham boshqalarning ijobiy fikriga tobe bo`lib qolasiz. Yangi mashina sotib olish kerak bo`lganida mablag`ingiz etmasligi, bu juda qiyin. Lekin mablag`ingiz etib, mashina sotib olganingizdan keyin og`ayningiz yoki do`stingiz siznikidan ham yaxshiroq mashina sotib oladigan bo`lsa, bu siz uchun oldingisidan ham og`ir bo`lishi mumkin. Albatta mashina majoziy obrazda misol keltirilgan. Bu erda mashina o`rnida mansab, pul, kiyim va hakazolar bo`lishi mumkin, lekin ma`no – mazmuni o`zgarmaydi. O`zingizni boshqalar bilan solishtiradigan bo`lsangiz, hech qachon shunchaki baxtli bo`la olmaysiz. Siz har doyim biron bir narsadan yoki kimdandir tobe bo`lib qolsiz.