Mobil kompyuterlar…?

Mobil kompyuterlar allaqachon odamlarning atributiga aylanmay qo`ydi.

Ahir bunday kompyuterlar ko`p joy talab etmaydi va shu yo`sin ofislarda va xonadonlardagi katta kompyuterlar, ya`ni desktoplar o`rnini egallashyapti. Buning oqibatida, ko`pgina odamlar xozirgi kunda, “Qanday kompyuter sotib olsam ekan, desktopmi yoki leptopmi?” degan savolga duch kelishmoqda. Keling, xikoyani boshidayoq sizlarga terminologiyani eslatib o`tsam. Stol ustidagi monitori alohida, “bashnya”si alohida, klaviaturasi alohida bo`lgan kompyuterni ko`pincha desktop deb atashadi. Bizga ma`lum bo`lgan “noutbuk”ni esa, leptop deb atashadi.

Xozirgi paytda portativ kompyuterlarga bo`lgan munosabat shu qadar o`zgarib kettiki, odamlar desktoplarga qaraganda aynan leptoplarni tanlashyapti. Xatto o`sha leptop desktopni o`rini egallab doim bir joyda turishiga qaramasdan ko`pchilik leptop tarafdoridir. Buning sababali ko`p. Masalan, o`rta kattalikdagi leptoplarning xozirda desktoplarga qaraganda narhi unchalik katta emas, undan tashqari bunday leptoplar kundalik talablaringizning ko`pini qondirishga qodir.

Keling, desktop yoki leptop tanlashda ko`pincha vujudga keladigan ba`zi dalillarni ko`rib chiqsak.

Leptoplar qimmatroq turadi.

Bu bor gap. Narhdagi farq borgan sari kamayib borishiga qaramasdan, leptoplar biroz qimmatroq. Boshqa tomondan esa, agar sizda joy kam bo`lsa, uning ustiga kompyuterni o`zingiz bilan ko`tarib yurmoqchi bo`lsangiz, va sizd unchalik katta kuchga ega kompyuterga muxtojlik bo`lmasa, unda besunaqay va qo`pol desktopga qaraganda leptop tanlashingiz o`rinli bo`ladi.

Mobil kompyuterda ishlaydigan odamlar ko`pincha uning noqulay va kichiklashtirilgan klaviaturasiga nisbatan noqulayliklar sezishadi va o`rganib qolingan sichqonchadan voz kechishgan majbur bo`lishadi.

To`g`ri, leptoplardagi klaviaturalar standart klaviaturalarga qaraganda biroz kichkinaroqdir, lekin ularda ishlash noqulay masalasiga kelganda biroz shubha kelib chiqishi mumkin. Boshqa tomondan esa, ko`p leptoplarda bunday muammolarni bartaraf etish maqsadida ularga tashqi klaviatura va sichqoncha ulash imkoinyati bor.

Leptoplarda, xotira kattaligi va xard-disk xajmi cheklangan.

Bu bor gap. Ko`pgina qimmat bo`lmagan leptoplar, desktoplarga qaraganda kamroq hotiraga va xard-disklarida kamroq joyga egalar. Lekin shunda ham, istasangiz, ular uchun qo`shimcha komponentlar sotib olish mumkin.

Leptoplarni yangilash, ya`ni “apgreyd” qilishning imkoni yo`q.

Bu fikrga faqat 50%ga qo`shilaman. Aytib o`tganimizdek, leptoplarga ko`pgina qo`shimcha komponent va qismlar o`rnatib uning tezligini oshirish mumkin. Lekin desktop qismlariga qaraganda, leptop qismlari biroz qimmatroq turadi.

Xo`sh, xulosa qilib aytadigan bo`lsak, leptop va desktop orasidagi farq hozir ham sezilarli darajada ekanini ko`rish mumkin. Nima bo`lmasin, har bir kompyuter ishqibozi, joyning kam yoki ko`pligi, kompyuterning portativligi yoki uning tezligiga oyid masalalrni shahsan o`zi belgilashi kerak.