Kanadada ayiq mashinaga chiqib olib, undagi 69 ta gazli suvni ichib qo‘ydi

Kanadada qora ayiq Erls Kov shahrida yashovchi fuqaroning mashinasiga o‘tirdi va mashinada bo‘lgan 69 quti gazlangan suvni ichdi, deb xabar bermoqda “Pravila jizni” nashri.

Mashina egasi Sheron Rozelning so‘zlariga ko‘ra, ayiq shirin ichimliklarni ichgan, biroq parhezbop gazlangan ichimliklarga tegmagan — mashinada uch quti shunday ichimlik bo‘lgan.

Rozelning oziq-ovqat mahsulotlarini tashuvchi yuk mashinasi bor, shu sababli uning mashinasida mijozlarga olib borilishi kerak bo‘lgan ichimliklar bor edi.

Sheron jurnalistlarga tonggi soat 3 da yovvoyi hayvon hidini sezgan itning hurishidan uyg‘onib ketganini aytgan. Ayol balkonga chiqqan va gazlangan suvni olayotgan ayiqni ko‘rgan.

Avvaliga u gazlangan suv o‘g‘risini baqirib quvib chiqarmoqchi bo‘lgan. Keyinroq Sheron turmush o‘rtog‘ining maslahati bilan yovvoyi hayvonning ustiga sovuq suv quygan, biroq ayiq bunga e’tibor bermagan. Oradan bir yarim soat o‘tgach, u hayvonni kuzatishni to‘xtatgan va tongda mashinasini tekshirgan.

Ayiq apelsinli gazlangan ichimlikni, kola va ildiz pivosini (Shimoliy Amerikada Sassafras daraxti qobig‘idan tayyorlanadigan shirin alkogolsiz ichimlik) ichgan. Bunga qo‘shimcha ravishda, ayiq charm qoplamani tirnagan va mashina salonini tartibsiz holatga keltirgan.

Sunshine Coast Bear Alliance mahalliy notijorat tashkilotining aytishicha, bu hududda juda aqlli ayiqlar yashaydi va ular mashinalarga mina oladi.