Video: Zamonaviy kiyinib olib, traktor boshqarib ketayotgan it

2016-yilda Buenos-Ayres provinsiyasidagi fermer Diego Kudaro dalada ishlayotgan vaqtida tashlab ketilgan itni ko‘rib qoldi va unga ism qo‘ydi. Bir necha yil davomida it yangi egasidan traktor va boshqa texnikalarni boshqarishni o‘rgandi va TikTok’da mashhurlikka erishdi, deb yozadi “Pravila jizni”.

Kuadro itni o‘ziga boqishga qaror qilgandan so‘ng uni darhol o‘rgatishni boshladi. Ko‘p o‘tmay, fermer Preguntale ajoyib qobiliyatga ega ekanini payqadi — u uzoq vaqt davomida mutlaqo jim o‘tirishi mumkin edi. Keyin Kuadro itga odam kiyimini kiydira boshladi va uning ishtirokidagi videolarni ijtimoiy tarmoqlarga joylashtirdi.

Haydovchi itning TikTok’da 450 000 ga yaqin obunachisi bor va uning videolari deyarli 11 million “layk” to‘plagan. Preguntale kattaroq texnikalarni ham xotirjamlik bilan boshqaradi. Qolaversa, u manevrli kvadrotsiklni juda yaxshi haydaydi. Ot minishni ham o‘rganib olgan Preguntale vaqti-vaqti bilan dam olish uchun o‘ziga vaqt ajratadi.