Rossiyaning www.izvestia.ru sayti xabar berishicha, Londonning «Arsenal» klubi «Anji» yarim himoyachisi, milliy terma jamoamiz a`zosi Odil Ahmedov uchun 4 million evro taklif qilmoqda.
Ushbu summa Odil Ahmedovning Transfermarkt.de saytida ko`rsatligan narxidan ancha kam. Transfermarkt.de sayti Ahmedovni 6 million evroga baholagan. “Arsenal” vakillari “Anji” rahbariyati o`zini Angliya Prem`er-ligasida sinab ko`rish istagida bo`lgan Ahmedovning jamoadan ketishiga qarshilik qilmasligiga umid qilishmoqda.
Odil Ahmedovning o`zi ham bu ma`lumotni tasdiqlab o`tgan. “Ha, bu rost. “Arsenal” klubi skautlari meni anchadan beri kuzatib yurishibdi. Agar bu klubga o`tadigan bo`lsam, bu nafaqat men uchun, balki butun o`zbek futboli uchun foydali bo`ladi. Albatta, men “Anji”da o`zimni yaxshi his etmoqdaman. Bu erda meni barcha narsa qoniqtiradi. Ammo men o`zimni Angliya yoki Ispaniya chempionatida sinab ko`rmoqchiman. Ayniqsa, “Arsenal”da o`ynashni anchadan beri orzu qilaman”, – deydi Odil Ahmedov.
Odil Ahmedov “Anji” tarkibida 76ta uchrashuvda maydonga tushib, 5ta gol kiritishga muvaffaq bo`lgan. Uning klub bilan amaldagi shartnomasi 2015 yilgacha mo`ljallangan.
Maladest Odil. Biz sen bilan fahrlanamiz!!!!
xa Odil Arsenalga o’tsa, bu o’zbek futboli uchun juda faxrlidir!!!