JCh-2014 so`nggi saralash bosqichi qur`a natijalari.

Malayziyaning Kuala-Lumpur shahrida o`tkazilgan JCh-2014 so`nggi saralash bosqichiga qur`a tashlash marosimi o`z nihoyasiga etdi.

Hal qiluvchi bosqichda Vadim Abramov murabbiyligidagi O`zbekiston milliy terma jamoasi A guruhda Janubiy Koreya, Eron, Qatar va Livan termalariga qarshi kurash olib boradi.

Osiyo qit`asidagi milliy jamoalar o`rtasida o`tkaziladigan 4-bosqich saralash o`yinlarida yana bir guruhda beshta jamoa bellashadi. “V” guruhiga Avstraliya, Yaponiya, Iordaniya, Iroq va Oman terma jamoalari tushdi. Ikkala guruhdan ikkitadan komanda Braziliyada 2014 yilda o`tkaziladigan chempionatga yo`llanma oladi.

4-bosqich doirasida O`zbekiston termasi birinchi o`yinni Eron terma jamoasi bilan joriy yil 3 iyun kuni Toshkentda o`tkazadi. Shu uchrashuvda jamoamizning asosiy o`yinchilaridan – yarim-himoyachi Server Jeparov, Shavkatjon Mullajonov, Sanjar Tursunov, Islom To`xtaxo`jaev va Vagiz Galiulinlar qatnasha olmaydi. FIFA Tartib-intizom qo`mitasi bu futbolchilarni “Halol o`yin” printsiplarini buzganlikda ayblab, kelgusi ikkita o`yinda chetlatgan.

Albatta,  terma jamoamizga bu muhim uchrashuvda 5 ta  futbolchilarimizning o`rni bilinishi mumkin, lekin saralash o`yinlarining 3-bosqich doirasidagi oxirgi Yaponiya termasiga qarshi o`tkazilgan uchrashuvida, 5 ta futbolchimizsiz ham juda ajoyib o`yin namoish etib g`alaba qozonishga muvofaq bo`lishgan.

Biz esa futbol muxlislarini terma jamoamizni har bir o`yinida, har qanday vaziyatda ham qo`llab quvvatlashga chaqiramiz. Biz bir jamoamiz!

Terma jamoamizning gurug`dagi imkoniyatlarini kim qanday baholaydi?