XXI asrga kelib, insoniyat o‘zi uchun kerakli va hammaning hayoliga keladigan deyarli barcha narsani yaratib bo‘ldi. E’tibor bering, ayni vaqtda muvaffaqiyatga erishgan ko‘plab shaxslar, bir necha dekadalar avval insonlar tasavvur ham qila olmagan g‘oyalarini amalga oshirishgani tufayli shu darajaga chiqishgan.
Bugun insonlar bir xillikdan zerikdi. Endi faqatgina kreativ o‘ylagan insongina hammadan ajralib tura oladi. Chunki “Creativity” bu cheklash mumkin bo‘lgan tushuncha emas. Inson ongining cheki yo‘q ekan, kreativlik ham cheksizdir. Quyida kreativlikni oshirishga xizmat qiladigan kitoblar ketma-ketligini e’tiboringizga havola qilamiz.
Maykl Mikalko. “Kreativlikni buzish”
Kitob mashhur kishilarning nostandart fikrlash sirlarini ochib beradi va ularni amalda qo‘llash yo‘llarini aytib beradi.
Ushbu kitobda ijodkorlik bo‘yicha yetakchi mutaxassis Maykl Mikalko sizga ijodkor odamlar qanday fikr yuritishini va ularning sirlaridan qanday qilib qutidan tashqarida fikr yuritish va yangi g‘oyalar bilan chiqishingiz mumkinligini ko‘rsatib beradi.
Bu kitobni yozish uchun Mikalko Leonardo da Vinchidan Pablo Pikassogacha bo‘lgan yuzdan ortiq buyuk mutafakkirlarning hikoyalarini tadqiq qildi va ularning usullarini zamonaviy voqelikka moslashtirdi.
Muallif tomonidan ishlab chiqilgan va batafsil tavsiflangan to‘qqizta fikrlash strategiyasi sizga biznes va hayotdagi har qanday muammolarga yangi g‘oyalar va nostandart yechimlarni topishda yordam beradi.
Maykl Mikalko. “Nostandart fikrlashning 21 texnikasi”
Ushbu kitob sizga qanday qilib ajoyib g‘oyalarni yaratishni, qutidan tashqarida o‘ylashni va muammolarni hal qilishni o‘rgatadi.
Mazkur kitob noldan ajoyib g‘oyalarni o‘ylab topadigan odam bo‘lishga yordam beradi.
Bunda siz aqliy qobiliyatlarni rivojlantiruvchi noyob texnika va mashqlarni o‘rganasiz, shuningdek, qobiqdan tashqarida fikrlash uchun ko‘plab qiziqarli vazifalar, o‘yinlar va jumboqlarni topasiz.
Ostin Kleon. “O‘z ishingni namoyish qil”
Ostin Kleon o‘zining “Rassom kabi o‘g‘irlash” kitobida o‘quvchilarga g‘oyalarni o‘g‘irlash orqali ijodkorlikni qanday rivojlantirishni ko‘rsatib berdi. Bundan ham muhimroq bo‘lgan ushbu kitobda u sizga keyingi asosiy qadamni – mashhur bo‘lishni ko‘rsatadi.
Illyustrasiyalar, maqolalar, iqtiboslar va misollar bilan to‘la bo‘lgan ushbu kitobda jasur, samarali, ochiq va mashhur bo‘lishga yordam beradigan 10 ta qoida (“Siz daho bo‘lishingiz shart emas”, “Har kuni kichik bir narsa bilan bo‘lishing” singari) mavjud.
Estanislao Baxrax. “Moslashuvchan ong”
Ushbu kitob inson miyasi haqidagi afsonalarni yo‘q qilish, bizga qanchalik noma’lumligini ko‘rsatish va bizni yanada ijodiy bo‘lishga o‘rgatish maqsadini ko‘zlaydi. Undan siz miyamizning eng qimmatli qobiliyatlaridan biri – mavjud bo‘lmagan narsalarni tasavvur qilish va yangi g‘oyalarni yaratish haqida bilib olasiz. Kitob miya faoliyatiga oid barcha noto‘g‘ri qarashlarni yo‘q qiladi va yashirin ijodiy jarayonlar qanday ishlashini ko‘rsatadi va eng muhimi, ularni yaxshilashga yordam beradi.
зур китобла, хаммасини укиганман
oqib kuraman, raxmat
kreativ inson, hozirda eng kerakli inson hisoblanadi
zur kitobla, rahmat
ko’proq kitoblarni yozsangiz bo’larkan.
wu 4 tani uqiganmisz?
yo’q, yaxshimi?
vawe zur
oqib koraman, raxmat