Go’zal qizlar va yigitlardagi qo’rquv…

Go’zal qizlar va yigitlardagi qo’rquv… Hech o’ylab ko’rganmisiz nima uchun yigitlar go’zal qizlardan qo’rqishadi? Yo’q, albatta hammasi emas, lekin ko’plari. Ha, qanchalik kulgili bo’lmasin – aynan qo’rqishadi. Albatta go’zal qizni uchratganimizda lol qolamiz, chiroyiga mahliyo bo’lamiz, lekin baribir ham ……! bo’ladi.

Keling birgalikda bu qo’rquvlar qayerdan kelib chiqishi va bu qanday qo’rquv ekanligiga aniqlik kiritamiz. Chunki ko’pchilik zabardas, kuchli, jasur va o’ziga ishongan yigitlarimiz go’zal ayollarni ko’rganlarida ularning chiroyiga mahliyo bo’lishadi va orzu qilishadi, lekin ular bilan yaqindan tanishishga kelganda esa ikkilanishadi? tanishish va munosabat qurishga jur’at etishmaydi? Quyida bir necha sabablarini keltirib o’tamiz:

Sabablardan biri: yigitlarimiz go’zal qizlar moddiy nuqtai nazardan juda talabchan – degan fikrni o’zida shakllantirib bo’lishgan. Ya’ni, qiz bola o’z go’zalligini saqlab turishi uchun go’zallik salonlari, qimmat baho kosmetika, kiyim va taqinchoqlar zarur deb biladi. Albatta men bu borada bahslashishni istamayman, chunki bu haqiqatdan ham shunday. Faqat qo’shimcha qilishim mumkin, go’zallik salonlari, kosmetika, kiyim kechak va taqinchoqlar barcha ayollarga kerak. Lekin ko’pchilik o’rtameyona ayollar uchun bunday katta xarajatlar shart emas deb bilishadi, – bu noto’g’ri! Yigitlarimiz latofatli qizni moddiy tarafdan etarli darajada ta’minlay olmayman deb o’ylashadi – mana bu birinchi qo’rquv.

Go’zal qizlarga nisbatan qo’rquvning yana biri – bu rad etilish. Go’zal qizdan rad javobini eshitish qo’rquvi… Qo’rquv, yoki oddiy so’zlar bilan aytganda yigit kishi o’z energiyasi va kuchini qiz bolaga yoqish yoki erishish uchun sarflamoqchi emasligidadir. Aynan mana shu sabab ko’plab yigitlarimiz qarshiligi kam qizlarni tanlashadi. Mana shu erda ham yigitlarimiz yangilishishadi. Chunki har qanday qiz bola u xoh go’zal yoki yoqimtoy bo’lsin, o’zini hurmat qila bilgan qiz o’z narxini biladi va u yigit kishidan nima xohlashini biladi.

Uchinchi qo’rquvning sababi – go’zal qizlar hech qachon yolg’iz bo’lmaydi degan fikr. Ko’pchilik yigitlarimiz ishonishadiki, go’zal qizlar ehtimol kimgadir tegishli, unda allaqachon ishonchli va kuchli elka bor va shu sabab yigitlarimiz go’zal qizlar bilan tanishishga ham harakat qilishmaydi. Qizlar esa yigitlarda befarqlikni yoqtirmaydilar.

Yaxshiyamki go’zal qizlarimiz ko’nglini topish uchun Yo’q javobni eshitishdan qo’rqmaydigan, o’z vaqtini, kuchini, romantikasini va qobiliyatini ishlata oladigan yigitlarimiz bor. Yigitlar jasur bo’ling, go’zal qizlarimiz e’tiborga muhtoj!