Chekish

Tamaki va tamaki maxsulotlari hech qachon insonga foyda keltirmagan bo`lsada bu axmoq inson o`z o`zini o`ldirishning juda sekin ammo juda zararli tomonini o`ylab topganini ba`zan anglaydi ba`zan esa yo`q. Biz haozirgi gapimizda juda sekin degan jumlani ishlatdik. Bu juda to`g`ri. Tamaki chekadigan insonning ichiga kichkina mikro kamera qo`yishning imkoni bo`lganida inson ichki organlarining nechtasi va qancha foizi zararlanganini ko`rishimizning iloji bo`lgan bo`lardi.

Chekadigan kishilar televidenie, radio va matbuotlarda ham chekishning zarari haqida juda ko`p ma`lumotlarga ega bo`lishgan. Qaerda shunday mavzu boshlansa, o`zlarini noqulay his qilishadi. Ba`zilarning ensasi qotishi ham mumkin. Hamma narsa qiziqishdan boshlanishini hamma biladi. Hozirgi kunda bir kunda bir pachka yoki undan ko`proq chekadigan insonlar ham qiziqishdan boshlangan. Ichlarida o`sha kunni la`natlab o`tirgan bo`lishlari ham mumkin.

Chekadigan kishining birinchi o`rinda o`pkasi ishdan chiqadi. Hayoti davomida sigareta chekadigan kishi umrining 25 yilga qisqartirishi mumkin ekan. Chekuvchi kishi organizmidagi vitaminlar ham parchalanib ketadi. Bunday kishilarning immuniteti boshqalarnikidan pastroq bo`ladi. Tabiiyki kasallikka ham oson chalinadigan bo`ladilar. Chekuvchi kishi organizmida S vitamini boshqalarnikidan ikki barobar kamroq bo`ladi. Bunday kishilar organizmdagi kunlik miqdorni g`amlash uchun har kuni ko`proq S vitaminli maxsulotlardan iste`mol qilishlari kerak. Sut maxsulotlari ham kashandaning organizmini tozalashga yordam beradi. Bunday kishilar iloji boricha har kuni sut yoki qatiq ichib turishlari kerak. Chekuvchining yuragi chekmaydigan oddiy odamning yuragidan tezroq uradi. Tezda charchab qoladilar. Bunday kishilar jismoniy mehnat chog`ida hansirab qoladilar.

Chekuvchi kishi nafaqat o`zini balki oila a`zolarini ham tamaki tutuni bilan zararlantirishi mumkin. Oila davrasida chekmagan taqdirda ham, farzandlari otadan o`rnak olmaydi deb kim kafolat bera oladi. Oilaning boshlig`i chekib turgach, yosh bola yoki o`smir sigaretaning mazasini tatib ko`rmasligiga ishona olasizmi? Bunday ota sigareta chekishni bolalariga taqiqlay olmaydi. U bolalariga o`rnak bo`lolmaydi. Agar kelajakda bolalarining sog`lom bo`lib, uzoq umr ko`rishini istagan har qanday kashanda ota, avvalo bolalariga o`zi o`rnak bo`lishi kerakligi haqida o`ylab ko`rishi kerak. Kishi qancha ko`p chekkani sari uning organizmi nikotinga o`rganib qoladi. Chekmagan paytida esa organizm nikotinni talab qila boshlaydi. Sigareta chekkisi kelgan ammo topolmayotgan kishining miyasiga hech nima kirmaydi. Xuddi bir narsasini yo`qotib qo`ygan odamday jonsarak bo`lib qoladi. Ammo qiyin bo`lsa ham bu odatni tashlashning iloji bor. Buning uchun esa mustahkam iroda bo`lishi kerak. Agar tashlashga astoydil kirishilsa, buning uddasidan chiqish mumkin. Bordiyu bu haqda fikrlaringiz bo`lsa, marhamat bildiring?