“Chevrolet Cobalt” taqdimoti

5 sentyabr` kuni poytaxtda “GM Uzbekistan” qo`shma korxonasida ishlab chiqarilgan yangi “Chevrolet Cobalt” avtomobilining taqdimoti bo`lib o`tdi.

alt=”1″ />

“Chevrolet Cobalt” – “General Motors” tomonidan tobora taraqqiy etib borayotgan bozorlar uchun maxsus ishlab chiqilgan mutlaqo yangi rusumdagi avtomobildir. Ushbu avtomobil` to`rt turda ishlab chiqariladi.

“Cobalt” 1,5 litr hajmdagi to`rt tsilindrli, benzin bilan ishlaydigan 106 ot kuchi quvvatiga ega va 5 bosqichli mexanik uzatmali dvigatel` bilan jihozlangan. 100 kilometrga taxminan 6,2 litr yoqilg`i sarflaydi. Rivojlanib borayotgan bozorlarda bu avtomobil V turkumiga kiruvchi yagona model bo`ladi. Bundan tashqari, uning 6 bosqichli avtomat transmissiya o`rnatilgan rusumiga ham buyurtma berish mumkin.

Besh kishi uchun mo`ljallangan ushbu keng salonli avtomobil` yo`lovchilarga qulaylik yaratish maqsadida yon tomonlari baland anatomik o`rindiqlar bilan jihozlangan. Avtomobil konditsioner, quyma disklar, audiotizim, xavfsizlik yostiqchalari, elektr ko`zgular va avtomatik transmissiya bilan jihozlangan.