Dunyodagi eng qimmat saroy 300 million dollarga sotuvga qo‘yildi. U 1818-yilda qurilgan

Londonda qiymati 300 million dollarga teng Ridjents parkida joylashgan Holm saroyi sotilmoqda. Robb Report va The Evening Standard nashrlarining ma’lumotiga ko‘ra, u dunyodagi eng qimmat narxda sotilayotgan uy hisoblanadi.

Bino 1818-yilda taniqli ko‘chmas bilan shug‘ullanuvchi Jeyms Berton va uning o‘g‘li, arxitektor Detsimus tomonidan qurilgan. Bedford kolleji ko‘p yillar davomida foydalangan qasr 1980-yillardan boshlab Saudiya qirollik oilasi a’zolariga tegishli.

Saroyda 2,7 ming kvadrat metr yashash uchun joy, jumladan, 40 yotoqxona mavjud. Bundan tashqari, saroyda sakkizta garaj, tennis korti, kutubxona va sauna mavjud.

Ko‘chmas mulk bo‘yicha mutaxassislarning fikricha, dunyo bo‘ylab atigi 20 ga yaqin oila ushbu saroyni sotib olish va unda yashash imkoniyatiga ega. Saroyni saqlash yiliga yuz minglab dollarga baholanadi, chunki unda ko‘p xodimlar ishlashiga to‘g‘ri keladi.

Ommaviy axborot vositalari maʼlumotlariga ko‘ra, britaniyalik ko‘chmas mulk tadbirkori Nik Kendi va uning rafiqasi, xonanda Holli Velans fevral oyida saroyni ko‘rish uchun kelgan. Kendining boyligi bir milliard dollarga baholangan.