London 2012 ga ikkinchi qadam

London-2012 Olimpiyadasi saralash bahslari doirasidagi O`zbekiston hamda Avstraliya olimpiya termalari o`rtasidagi uchrashuv o`z nihoyasiga etdi. O`yinda 2:0 hisobi qayd etilib, O`zbekiston olimpiya termasining g`alabasi bilan yakunlandi.

Bu o`yin butun yurtimiz bo`ylab kutilgan uchrashuv desak adashmagan bo`lamiz. O`yin oldidan juda ko`p gap so`zlar, futbol mutaxasislari va muxlislari orasida baxslarga boy bo`ldi. Kimlardir o`yin vaqti Avstraliya olimpiya terma jamoasi o`yiniga salbiy ta`sir o`tkazadi, kutulmagan ob-havo sharoitidan keyin esa O`zbekiston olimpiya terma jamoasini g`olib deb hisoblab ham qo`yishgan edi.

O`yin vaqti o`zgartirildi, ammo ob-havo sharoiti o`zgarmadi. Noqulay ob-havo sharoitida, noqulay maydonda bo`lib o`tgan o`yin juda qizg`in va jangavor ruhda o`tdi. Bo` o`yin natijasi ikkala jamoa uchun ham suv va havodek zarur edi. Bizning jamoamiz darvozasiga ham ikki to`p kiritilgan edi, lekin bularni o`yinni boshqarib borgan hakam inobatga olmadi. Ikkala vaziyatda ham Avstraliya olimpiya terma jamoasi o`yinchilari o`yindan tashqari holatda qolib ketishgan edi.

Jamoamiz uchun g`alaba to`plarini birinchi bo`limning 27 daqiqasida Kenja To`raev, o`yin yakunlanish arafasida 86 daqiqada esa Oleg Zoteev kiritishdi.

Shunday qilib, olimpiya terma jamoamiz London 2012 olimpiadasi sari yana bir katta qadam tashlashdi. Biz olimpiya terma jamoamiz o`yinchilari va jamoamiz murabbiyiga ajoyib o`yin va g`alabani taqdim etishganlari uchun o`z minnatdorchiligimizni bildiramiz, futbol ashaddiy muxlislarini esa navbatdagi chiroyli g`alaba bilan tabriklaymiz! Biz bir jamoamiz!